Er du vår nye rådgjevar med teft for både kundar og kommunikasjon?

Os & Fusaposten er eit mediehus i stor utvikling, og vi i marknadsavdelinga jobbar kvar dag for å hjelpa kundane våre med å byggja si merkevare, og å nå måla sine.

Her får du store moglegheiter til å påverka utviklinga i marknadsarbeidet vårt vidare.

Om stillinga: 

100% vikariat med moglegheit for forlenging

Du vil få ansvar for å driva oppsøkande og aktivt annonsesal mot både eksisterande og nye kundar - digitalt, til sosiale medium og papir.

Til stillinga ligg det å utvikla og gjennomføra gode strategiar for kundane som styrkjer posisjonen deira i marknaden.

Me har spesielt fokus på innhaldsmarknadsføring og digital vekst.

Arbeidsoppgåver:

- Aktivt og oppsøkjande sal og medierådgjeving

- Utvikla og gjennomføra annonse- og marknadsføringsplanar i tett samarbeid med kundane og avdelinga

- Følgja opp og forsterka relasjonen til eksisterande kundar

- Skaffa nye kundar

- Overvaka marknadstrendar og foreslå tiltak for vidare vekst.

- Budsjettoppfølging og bidrag til yttarlegare digital utvikling.

- Bidra til å synleggjera Os & Fusaposten si marknadsavdeling og produkta vi kan tilby.

Kvalifikasjonar:

Vi ser etter ein kandidat som:

- Har erfaring med sal og marknadsføring

- Er sjølvgåande, resultatorientert og samarbeidsvillig

- Er initiativrik og trivst med aktiv og oppsøkande kontakt med kundar

- Har god kjennskap til digitale verktøy og sosiale medium

- Har gode skrivekunnskapar og kunnskap om foto og video

Vi tilbyr:

- Moderne, digitale vertøy og god opplæring

- Ein spennande og variert arbeidskvardag

- Konkurransedyktige vilkår

Om arbeidsgjevaren:

Os & Fusaposten er lokalavisa i Bjørnefjorden kommune. Du finn oss på osogfusa.no. Me kjem i tillegg ut med papiravis to gonger i veka.

Me held til i moderne og trivelege lokale midt i Os sentrum.

Bjørnafjorden har eit allsidig næringsliv og eit rikt kultur-, idretts- og friluftsliv.

Me dekkjer ein kommune i stor utvikling med mykje aktivitet.